暴風雨後見晴天

    (photo from www.fifa.com)
我初頭真係唔信巴西會被「大炒」
仲要係1比7喎，講你都唔信
初頭十分鐘表面仲頂得住
失第一球，巴西已經唔係巴西
後防暴露嚴重弱點，希望用諸葛亮「以攻為守」招數
點知搞到兵力分散
德軍乘虛而入
「一面倒」誇張程度係3分鐘之內連失3球
球迷都呆到唔識反應
臨尾知道巴西會輸大比數
個個哭成淚人
最後奧斯卡破蛋，總算挽回國家尊嚴

雖然巴西要克服呢個「國殤」係好痛苦過程
但係球迷愛國精神真係令人羨慕
佢地同球隊結成不可分割關係，共同分享國家隊喜與悲
真係有福同享，有難同當
睇下香港呢個足球曾經風摩一時彈丸之地
政治爭拗冇時停，社會逐漸極端化
更何況係「愛國唔係自願」中國
巴西輸得咁慘烈仲會為德軍精彩入球鼓掌
中國人幾時先可以團結起來自願愛國
放低政治因素去全力支持國家隊
輸國民都不離不棄呢？