他們花了大約一小時，就把洪叔的店鋪來個翻新，成功給人耳目一新的感覺。
「唔該哂你地！而加得閒話不如一齊去茶餐廳食下午茶？」
「都幾好！咁而加就去嚴生友伴記嘆下佢地最著名奶茶啦！」
「洪叔、雲仔、謙仔，好耐冇見啦！近排點呀？有好多事想同你地傾呀！」
「嚴生，近排我地需然幾忙，但係都好好呀，頭先幫完洪叔執下鋪頭。」
「佢地真係好幫得手架，不過以後都唔知仲可唔可以繼續做落去……」
「洪叔，我地都有苦自己知，呢間鋪租金係短短兩個月已經上漲兩成啦！」
「唔好太擔心啦！最緊要係靜待時機，伺機行動，咁先有機會打敗強權！」
「雲仔，我地年紀大啦，又有幾多個十年，年青人又未必肯接手經營老店，時機未到可能已經玩完……」
「飲杯奶茶先啦！呢D事好麻煩，暫時擺埋一邊先好唔好？」
「謙仔有道理，暫且講其他事。」
離開茶餐廳，與洪叔、嚴生告別後，雲仔一行人走進一所連鎖快餐店。
「你要杯葛呢間？」滔哥問道。
「非也！我計劃進行第二件事。」
說著，雲仔帶著眾人走進店內，拿了數份意見書。
「就是這樣而已？」文灝感到奇怪。
「甚麼合法、合理的方法我們都要嘗試，這樣有何不妥？」
「冇問題，只係以為你有咩大計。」
「文灝，千萬不要小看每一步，佢地都可起到關鍵的作用。」
這個時候，一位少年坐在餐廳的角落，靜觀他們的一舉一動。
「我地去其他地方討論第三項措施，走吧！」雲仔輕聲道。
那位少年隨即離座，緊隨著他們，而他們不知道自己已經被人跟蹤。
